គ្រូបង្វឹកថៃ ថាអាចស្មើជាមួយជប៉ុន ទុកថាជោគជ័យហើយល្ងាចនេះ
លោក Kiatisak Senamuang គ្រូបង្វឹកក្រុមជម្រើសជាតិថៃ បានលើកឡើងថា ការយកឈ្នះលើជប៉ុនក្នុងទឹកដីរបស់ពួកគេគឺជារឿងពិបាកបំផុត ហើយបើបានត្រឹមស្មើ គឺអាចចាត់ទុកថាជោគជ័យហើយ។
លោក Kiatisak Senamuang គ្រូបង្វឹកក្រុមជម្រើសជាតិថៃ
ថៃ នឹងប៉ះជប៉ុន ក្នុងវគ្គជម្រុះ World Cup 2018 ជុំទី៣ ពូល B នាទីក្រុង Saitama វេលាម៉ោង០៥:៣៥នាទីល្ងាចនេះ។ កាលជើងទី១ នៅទីក្រុងបាងកក ថៃបានចាញ់ជប៉ុន ២-០ រួចម្តងហើយ។ បច្ចុប្បន្នជប៉ុន មាន១៣ពិន្ទុ ស្មើក្រុមកំពូលតារាងអារ៉ាប៊ីសាអ៊ូឌីត ប៉ុន្តែចាញ់គ្រាប់ស៊ុត។ រីឯថៃ កំពុងស្ថិតនៅលេខ៦ បាតតារាងមានត្រឹម១ពិន្ទុ បន្ទាប់ពីចាញ់អារ៉ាប៊ីសាអ៊ូឌីត ៣-០ ក្នុងដី កាលថ្ងៃព្រហស្បតិ៍សប្ដាហ៍មុនទៀត។
មុនជំនួបធំល្ងាចនេះ គ្រូបង្វឹកថៃ ឈ្មោះហៅក្រៅថា "Zico” បាននិយាយថា៖ "យើងដឹងថា ជប៉ុនជាក្រុមមួយល្អបំផុតនៅអាស៊ី។ ពួកគេមានបច្ចេកទេសល្អជាងយើង ប៉ុន្តែកីឡាកររបស់យើង នឹងខិតខំឲ្យអស់ពីបេះដូង។ វាជាឱកាសល្អ ដែលបានលេងទល់នឹងជប៉ុន ព្រោះពួកគេធ្លាប់ឡើងលេង World Cup ជាច្រើនដង។ យើងនឹងព្យាយាមលេងឲ្យល្អ។ បើយើងរកបាន១ពិន្ទុ វាគឺជាជោគជ័យមួយសម្រាប់យើង ប៉ុន្តែវាពិតជាពិបាក ដើម្បីរក៣ពិន្ទុនៅទីនោះ”៕
0 comments:
Post a Comment